Депутаттар «Ақтерек» сауықтыру лагерінің жұмысымен танысты

Облыстық мәслихат депутаттары Жалағаш кентінде орналасқан «Ақтерек» сауықтыру лагерінің жұмысымен танысты.

Лагерь бір ауысымда 80 балаға дейін қабылдай алады. Қазіргі таңда лагерде 5 ғимарат бар. Оның төртеуі жатын орын ретінде пайдаланылса, біреуі 80 орынға арналған асхана. Сондай-ақ, ашық спорт алаңы, сыртқы бассейн және мәдени іс-шаралар өтетін арнайы алаң қарастырылған.

Жаңа маусымда 6 ауысымда 452 баланы қабылдау жоспарланып отыр. Оның ішінде 402 бала – міндетті оқу қоры есебінен, ал 50 бала – кәсіподақ есебінен демалады. Бір жолдаманың құны – 35 мың теңге, ал бір ауысым ұзақтығы – 10 күн.

Депутаттар лагерь ұжымымен, балалармен және тәрбиешілермен тілдесіп, материалдық-техникалық базасымен танысты. Лагерьдің қазіргі жағдайы мен жасалып жатқан жұмыстарға оң баға берілді.