“Көне дәстүр күмбезі” ұлттық фестивалі

Еңбек ауылының Аққошқар ауылдық мәдениет үйінде ІІІ дәстүрлі “Көне дәстүр күмбезі” ұлттық салт-дәстүр, әдет-ғұрыптар аймақтық фестивалі аясында “Тұсау кесер” дәстүрі кеңінен насихатталды.

Төрт ауылдың – Еңбек, Есет батыр, Жаңадария, Аққұм ауылдық мәдениет үйлері мен клубтарының өнерпаздары қатысып, мерекелік концерт ұйымдастырды.

Концерт тұсау кесер дәстүрімен басталып, сәбидің тұсауын Еңбек ауылдық округінің әкімі Бахытберген Мархабайұлы кесті.

Салт-дәстүрге сай сый-сияпат алмасу рәсімі өтіп, мерекелік шара әсем ән мен күйге ұласты.

Іс-шара барысында келген қонақтарға наурыз көже мен бауырсақ ұсынылды.

Ұлттық құндылықтарды дәріптеген тамаша кеш болды!