ЖАЛАҒАШ КЕНТІ АРДАГЕРЛЕРІ КОМАНДАСЫ ІІ ОРЫНҒА ИЕ БОЛДЫ

Жалағаш аудандық Руханият орталығында XIX аудандық ардагерлер спартакиадасы өтті. Дәстүрлі спорттық додаға кент және ауылдық округтерден ардагерлер қатысты.

Салауатты өмір салтын ұстанған ардагерлер арасындағы спорттық сайыстың ашылуында аудан әкімінің орынбасары Ғ.Сүлейменов және аудандық ардагерлер кеңесінің төрағасы С. Әлиев барлық қатысушылар мен ұйымдастырушыларға алғысын білдіріп, ардагерлерге сәттілік тіледі.

Тартысты өткен спорттық сайыстың қорытындысы бойынша Жалағаш кенті ардагерлері командасы ІІ орын иеленіп, арнайы диплом мен қаржылай сыйлықтармен марапатталды.

Ардагерлерімізді спорттық додадағы жеңістерімен құттықтаймыз!