”ТАЗА ӨЛКЕ – ЖАЛАҒАШ” ЭКОЛОГИЯЛЫҚ АКЦИЯСЫ ӨТТІ

Бүгін ауданда қоршаған ортаны қорғау, экологиялық мәдениетті қалыптастыру және жасыл ортаға деген жауапкершілікті арттыру мақсатында «Таза Қазақстан» экологиялық жобасы аясында «Таза өлке – Жалағаш» атты ауқымды экологиялық акция өтті.

Акцияға аудан әкімі Ардақ Ибраимов қатысып, қоршаған ортаны қорғау – баршаға ортақ міндет екенін атап өтті.

Шараға зиялы қауым өкілдері, ардагерлер, аудан ақсақалдары, этнос өкілдері, аналар және әйелдер кеңесінің мүшелері, мемлекеттік мекеме қызметкерлері, жастар, еріктілер мен аудан тұрғындары белсенді қатысып, белгіленген аумақтарға 550 түп ағаш отырғызды.