Адам мен жануарларға ортақ зооантропонозды ауру бруцеллездің алдын алу!!!
Ветеринария саласында ауыл шаруашылығы жануарларын бруцеллезге тексеріп, анықтау іс-шаралары үнемі жүргізіледі.
Атап айтар болсақ, осы жылы диагностикалық тексеру нәтижесінде ауру 5 бас мүйізді ірі қара, 2 бас уақ мал анықталды және ветеринариялық-санитариялық ережелерге сәйкес санитариялық сойылып, қайта өңдеу кәсіпорнына жіберілді.
Бруцеллезге шалдыққан ауыл шаруашылығы жануарлары иелерінен алынып, өтемақы беріледі. Заңдылықтарға сәйкес 30% жергілікті бюджеттен, 70% қайта өңдеу кәсіпорындар арқылы төленеді.
Бруцеллез - адам мен жануарларға ортақ қауіпті ауру. Көбінесе адамдарға ауру малдардан жұғады. Сондықтан ауырып тұрған жануарларды оқшаулап, ветеринариялық мамандарға жүгінулеріңіз қажет.
Өзіңіздің, балаларыңыз бен тума туыстарыңыздың, таныстарыңыздың денсаулығы өз қолыңызда!!!