Қызылорда облысының ветеринария басқармасының басшысы Апетов Ерсұлтан Амантайұлының төрағалығымен аудандық (қалалық) ветеринариялық станция басшыларының қатысуымен сыбайлас жемқорлықтың алдын алу және коронавирус індетіне байланысты қауіпсіздік шараларын қатаң сақтау, «Қызылорда облысының мал шаруашылығы дамуының негізгі көрсеткіштері» статистикалық мәліметтері мен «Ауыл шаруашылығы жануарларын бірдейлендіру» дерекқор базасы арасында мәліметтерді сәйкестендіру, мемлекеттік қызмет көрсету, ақылы қызмет көрсету, жалпы эпизоотиялық жағдайды тұрақты ұстау туралы онлайн жиналыс өткізілді.

Жиналыс барысында сыбайлас жемқорлық тәуекелдерінің туындауына жағдай жасайтын себептер мен жағдайларды жою және болдырмау мақсатында тиісті жұмыстар атқарылуын және мемлекеттік қызметтер (ветеринариялық паспорт беру, ветеринариялық анықтама беру) көрсету бойынша сыбайлас жемқорлық көріністеріне жол бермеуге арнайы тоқталып өтті.

Сонымен қатар, коронавирус індетінің алдын-алу іс-шараларын қамтамасыз ету халыққа түсіндіру ағарту жұмыстарын жүргізу, тиісті сақтық шараларын қатаң сақтауға тапсырмалар берілді.

Облыс көлемінде эпизоотиялық тұрақтылықты сақтау мақсатында тиісті ветеринариялық іс-шаралардың уақытылы жүргізілуі қажет екендігі ескертілді.

Әлемдік деңгейде болып жатқан жағдайға байланысты жиналыс Jitsi Meet қосымшасы арқылы өткізілді.