Қызылорда облысында ландшафттарды қалпына келтіру жобасы іске асырылады

Бүгін облыс әкімінің орынбасары Жаханов Бахыт Дүйсенұлының төрағалығымен Қазақстан Республикасындағы ландшафттарды қалпына келтіру, Дүниежүзілік Банк Жаһандық экологиялық қоры-7 жобасын облыс аумағында іске асыру бойынша кездесу өтті.

Кездесуге Дүниежүзілік Банк өкілдері, ЭГжТРМ Орман шаруашылығы және жануарлар дүниесі комитеті, мемлекеттік орган өкілдері мен орман шаруашылығы мекемелерінің директорлары қатысты.

Жоба 2021-2025 жылдар аралығында жүзеге асырылады.

Аталған жоба аясында

1.Қазалы орман мекемесінің аумағында орман питомнигін құру;

2.Қызылорда қаласының айналасында Жасыл аймақ құру;

3.Қызылорда қаласының жасыл белдеуінде агроорман шаруашылығының үш модульдік учаскесін құру;

4.Арал теңізінің құрғаған ұлтанындағы алқапта орман қорының жерлерін картаға түсіру;

5.Арал теңізінің құрғаған түбінде орман мелиоративтік екпелер отырғызуға арналған алаңдарды іріктеу үшін жобалау-іздестіру жұмыстарын жүргізу;

6.Орман және жануарлар дүниесін қорғау жөніндегі мемлекеттік мекемелерінің техникалық жарақтандырубағытында жұмыстар атқарылатын болады.