Қазалы ауданында шибөрілер саны реттелуде

Қазалы ауданы аумағында шибөрілердің шамадан тыс көбеюіне байланысты жоспарлы реттеу жұмыстары жүргізілуде. Табиғи тепе-теңдікті сақтау және елді мекендер маңындағы қауіпсіздікті қамтамасыз ету мақсатында 100 шибөріні ату жоспарланған болатын.

 

Жыл басынан бері “Қазалы орман және жануарлар дүниесін қорғау жөніндегі мемлекеттік мекемесі” қызметкерлерінің қатысуымен 70 шибөріні ату жұмыстары жүзеге асырылды. Алдағы уақытта қалған 30 шибөріні ату бойынша жұмыстар кезең-кезеңімен жалғасын табатын болады.