Сумен жабдықтау саласына цифрлық технологияларды енгізу мәселесі қаралды

Бүгін аудан әкімі Берік Сәрменбаевтың төрағалығымен мәжіліс өтіп, ауыз сумен қамту, су бұру жүйелерін дамыту, суды үнемдейтін және цифрлық технологияларды енгізу мәселелері талқыланды.
– Мемлекет басшысы Қасым-Жомарт Кемелұлы Тоқаев халықты сапалы ауыз сумен қамту жұмыстарын жүйелі жүргізуді тапсырған болатын. Соған байланысты ауданда сумен қамту мәселесі толық шешімін тапқан. Бүгінгі күні ауыз суды цифрлық есепке алу, бақылау және басқару жүйелерін енгізу арқылы су ресурстарын үнемдеу мен тиімді пайдалануға қол жеткізуіміз қажет. Су жүйесін цифрландыру суды тиімді әрі үнемді пайдалануға, тұрғындарға көрсетілетін қызмет сапасын жақсартуға және саланың ашықтығын қамтамасыз етуге мүмкіндік береді, – деді Берік Әбдіғаппарұлы.
Мәжіліс қорытындысымен аудан әкімі күн тәртібінде қаралған мәселелер бойынша жауапты сала басшыларына, кент және ауылдық округ әкімдеріне нақты тапсырмалар жүктеді.