Аудан әкімінің ұлттық домбыра күнімен құттықтауы

Құрметті аудан тұрғындары!
Сіздерді Ұлттық домбыра күнімен шын жүректен құттықтаймын!
Тәуелсіз еліміздегі ұлттық өнердің өркендеуіне зор үлес қосып, жас ұрпақты отансүйгіштікке тәрбиелеу, тарихымызды насихаттау, салт-дәстүрлерімізді жаңғырту, елді бірлік пен ынтымаққа шақыру жолында еңбек етіп жүрген мәдениет пен өнер саласы қызметкерлерінің қоғамдағы орны ерекше.
Қазақ пен домбыра – егіз ұғым. Домбыра – қазақтың киесі, қасиеті, қазынасы. Дала дауысын, желдің уілін, тұлпардың дүбірін, халықтың мұңы мен ата-баба үнін қазіргі ұрпаққа бұзбай жеткізген де осы қоңыр домбыра.
Халқымыздың көрнекті ақыны Қадыр Мырза Әлі жырлағандай: «Нағыз қазақ – қазақ емес, нағыз қазақ – домбыра».
Жылдан-жылға домбыра тартатын жастардың қатары көбейіп келе жатқаны қуантады.
Қазақтың дәстүрлі ән-күйін насихаттап жүрген барша аудан өнерпаздарына алғыс айтамын.
Еліміздің қатпар-қатпар тарихынан сыр шерткен күй-толғау, сыңғырлы сұлу әуен құлағымыздан кетпесін, қасиетті ұлттық аспабымыз – Домбыра төрімізден түспесін!
Баршаңызға Ұлттық домбыра күні мерекесі тағы да құтты болсын!
Құрметпен,
Берік Сәрменбаев