АМАНКЕЛДІ АУЫЛДЫҚ ОКРУГІНДЕ АУЫЛ ТҰРҒЫНДАРЫ МЕН КӘСІПКЕРЛІК НЫСАНДАРҒА КӨРКЕЙТУ-КӨГАЛДАНДЫРУ, САНИТАРЛЫҚ ТАЗАЛЫҚ ЖӨНІНДЕ ТҮСІНДІРМЕ ЖҰМЫСТАРЫ ЖҮРГІЗІЛДІ

2025 жылдың 10 шілдесінде арнайы құрылған жұмысшы топпен ауыл тұрғындары мен ауылда орналасқан бір қатар кәсіпкерлік нысандарды аралап, көркейту-көгалдандыру, санитарлық тазалық сақтау және ғимараттарының қасбетін ретке келтіру бағытында түсіндірме жұмыстарын жүргізді.

Жұмысшы топ Қызылорда облыстық мәслихатының 2024 жылғы 24 шілдедегі №112 «Қызылорда облысындағы қалалар мен елді мекендердің аумақтарын абаттандырудың қағидаларын бекіту туралы» шешімінің талаптары бұзылған жағдайда Қазақстан Республикасы «Әкімшілік құқық бұзушылық туралы» Кодексінің 505-бабы бойынша шаралар қарастырылғандығы туралы кәсіпкерлік нысан иелеріне түсіндірді. Тиісті талаптар сақталмағанда айыппұлдар салынатыны ескертілді.

Құрметті ауыл тұрғындары мен кәсіпкерлері, баршаңызға көркейту-көгалдандыру, тазалық шараларына белсенді атсалысуға және сақтауға шақырамыз!

Аманкелді а/о әкімдігі