ЯДРОЛЫҚ СЫНАҚТАН ЗАРДАП ШЕККЕНДЕРГЕ ӘЛЕУМЕТТІК КӨМЕК ЖАСАЛДЫ

Биыл Семей ядролық полигонының жабылғанына 30 жыл. Осыған орай жергілікті бюджеттен Семей ядролық сынақ полигонының зардабын жоюға қатысқан азаматтарға жыл сайын 30 айлық есептік көрсеткіш мөлшерінде біржолғы әлеуметтік көмек төленіп келеді.

Үстіміздегі жылдың тамыз айында Қызылорда облысы бойынша жергілікті бюджеттен 30 АЕК мөлшерінде (1 адамға - 87 510 теңге) барлығы 464 адамға 40 604,6 мың.теңге біржолғы әлеуметтік көмек төленді. Сонымен қатар, осы жылы 29 тамызда Семей ядролық полигонының жабылғанына 30 жыл толуына орай, аталған санаттағы азаматтарға облыстық бюджет есебінен қосымша 40 АЕК (116680 теңге) мөлшерінде біржолғы әлеуметтік көмек көрсету жоспарланған.

«Азаматтарға арналған үкімет» мемлекеттік корпорациясы» АҚ-ның Қызылорда облысы бойынша филиалы ұсынған тізімге сәйкес көмек алушылар саны 479 адамды, тиісінше қажетті қаржы көлемі 55890,0 мың теңгені құрады. Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдукаримов мәлімдеді.