«КНК КЕМИКАЛ» ЖШС ҚҰБЫР ЗАУЫТЫ ЖҰМЫСШЫЛАРЫМЕН КЕЗДЕСУ ӨТТІ
Бүгін аудан әкімі Нұржан Ахатов «КНК Кемикал» ЖШС құбыр зауытының жұмысшыларымен кездесті. Кездесу барысында зауыт жұмысшыларының ұсыныс пікірлері тыңдалды. Сондай-ақ, аудан әкімі зауыт жұмысымен танысып, құбыр өндірісін тікелей көзбен көрді.
Айта кетейік, кәсіпорын бүгінгі күні диаметрі 195х14,5 мм-лік полиэтилендік пластмасса құбырларын көптеп шығаруды қолға алды. Сондай-ақ, сүзгілік қабілетті КДФ 118 құбырларының бірнеше түрін тапсырысқа сай дайындап береді. Кәсіпорын 100-ге тарта адамды жұмыспен қамтып отыр.