Шиелі ауданы аумағындағы автомобиль жолдарының жалпы ұзындығы 323,4 шақырымды құрайды.

Оның; 80 шақырымы Республикалық, 98 шақырымы облыстық және 145,4 шақырымы аудандық маңыздағы автомобиль жолдары санатында.

Аудандық маңыздағы 145,4 шақырымды құрайтын автомобиль жолдарының бүгінгі күнге 106,3 шақырымы (73,1 пайыз) жақсы және қанағаттанарлық жағдайда.

Ал, облыстық және республикалық маңыздағы жолдар 100 пайыз асфальтталған.

2023 жылы «Қызылорда облысы Шиелі ауданыны, аудандық маңыздағы "Самара-Шымкент" автомобиль жолының 8 шақырымын қайта құрылымдау» жұмысына ҚР-ның Ұлттық қорынан барлығы 416 123,0 мың теңге қаралды. Нысан 2024 жылға өтпелі. Бас мердігер «Ак тоган» ЖШС-і. 2024 жылға республикалық бюджеттен 50,0 млн. теңге қаржы бөлінген.

Құрылыс-монтаждау жұмыстарын 2024 жылдың 01 ақпанынан бастау туралы хабарлама берілген. Құрылыс-монтаждау жұмыстары жүргізілуде. 

Жол жүрісі және жолаушылардың қауіпсіздігін қамтамасыз ету

2024 жылы аудандағы бағдаршамдарды күнтізбелік жыл бойы күтіп ұстау және ағымдағы жөндеу, жол белгілерін орнату, көктем және күз мезгілінде кент ішілік жолдарға жол жолақтарын сызу, жасанды жол кедергілерін қою жұмыстарына барлығы 35,0 млн теңге қаржы бөлініп, мемлкеттік сатып алу жұмыстары жүргізілді.

2024 жылы Шиелі ауданындағы аудандық маңызы бар 90 шақырым автомобиль жолдарын, Сырдария өзені арқылы өтетін 1 паромды, 2 пантондық көпірді күтіп ұстау бойынша жұмысына барлығы 70,0 млн. теңге қаржы бөлініп, мемлкеттік сатып алу жұмыстары жүргізілді.