ҚАЙСАР АРЕНА: ҚҰРЫЛЫСШЫЛАР ЕҢБЕГІ ЕЛЕНДІ!

Қызылорда қаласында бой көтерген жаңа, заманауи "Қайсар Арена" стадионының құрылысын сапалы әрі қысқа мерзімде аяқтаған білікті мамандардың еңбегі ерекше құрметке лайық!

 

Қызылорда облысы әкімінің орынбасары Бахыт Дүйсенұлы Жаханов пен Құрылыс, сәулет және қала құрылысы басқарма басшысы Төрәлиев Ерлан Кәрімбекұлы құрылысшыларға облыс әкімінің Алғыс хаттарын табыстап, осы маңызды жобаға қосқан үлестері үшін шынайы ризашылығын білдірді.

 

Облыс әкімінің орынбасары Бахыт Дүйсенұлы Жаханов "Қызылорда қаласында салынған жаңа стадион – облысымыздың дамуындағы маңызды бастамалардың бірі. Бұл – Тәуелсіздік жылдарында бой көтерген үшінші, УЕФА-ның 4-санатты сертификатын алған, 11 мың көрерменге арналған заманауи спорттық нысан" – деп атап өтті.

 

Стадионның маңызды ерекшеліктері:

 

Халықаралық деңгей: Мұнда халықаралық жарыстар өткізуге барлық жағдай жасалған.

 

Әмбебаптығы: 20 мың шаршы метр аумақта олимпиадалық спорт түрлеріне арналған залдар іске қосылды.

 

Қаржылық тұрақтылық: Стадион облыстық бюджет есебінен салынған алғашқы ірі спорт нысаны болып табылады.

 

Жоспарланған 3 жылдық мерзімнен қысқа уақытта аяқталуы – құрылысшылардың кәсіби жауапкершілігі, табанды еңбегі және заманауи технологиялық шешімдерді тиімді қолдануының жемісі.