Әйтеке би кентінде мәдениет үйі салынуда

Қазалы ауданы Әйтеке би кентінде 600 орындық мәдениет үйінің құрылысы салынуда. Нысанның ірге тасы қаланып, кірпіш қалау жұмыстары жүргізіліп, төбе шатыры жабылып, нысанның терезелері салынды. Ішкі әрлеу және кафель жабыстыру жұмыстары жүргізілді. Мәдениет үйі екі қабаттан тұрады. Ғимаратта 600 орындық көрермендер залы, стол ойындарына арналған бөлме, мерекелік және салт-дәстүрді насихаттау залы, хор бөлмесі, бейнелеу өнер, кітапхана және оқу бөлмелері қарастырылған. Мәдениет үйі биыл пайдалануға беріледі.