Дәрілік заттарды, медициналық бұйымдарды және арнайы емдік өнімдерді сатып алу және фармацевтикалық көрсетілетін сатып алуды ұйымдастыру және өткізу тәртібі талқыланды

Бүгін облыстық мемлекеттік сатып алу басқармасы қызметкерлерінің және облыстық денсаулық сақтау басқармасы мен оған бағынысты мекемелердің мемлекеттік сатып алуларына жауапты мамандарының қатысуында дәрілік заттарды, медициналық бұйымдарды және арнайы емдік өнімдерді сатып алу және фармацевтикалық көрсетілетін қызметтерді сатып алуды ұйымдастыру және өткізу мәселелері бойынша кездесу отырысы өткізілді.

Отырыстың күн тәртібінде дәрілік заттарды, медициналық бұйымдарды, медициналық техниканы сатып алу жоспарын әзірлеу, оларды сатып алуды ұйымдастыру, өтінімдерді қарау және шарт жасасу мәселелері жан-жақты қаралып, өзара пікір алмасулар жасалды.