«Таза Қазақстан» Республикалық акциясы аясында Сыр өңірінде «Таза Қазақстан – таза аймақ» экологиялық науқаны жалғасуда.

Бүгін Қызылорда облысының мемлекеттік сәулет-құрылыс бақылауы басқармасының ұжымы экологиялық науқан жұмыстарын жалғастырды.

Экологиялық науқанның мақсаты – қоғамның тазалықты сақтауға деген көзқарасын өзгерту, табиғатты аялау, тұрғындарға қоршаған ортаны қорғау және оны ластамау мәдениетін қалыптастыру болып табылады.

Қызметкерлер көше бойын күл-қоқыстардан, арамшөптерден, тұрмыстық қалдықтардан тазарту жұмыстарын жүргізді.