Көмекке мұқтаж балаларды барынша қамту мақсатында, еліміздің барлық аймақтарындағы сияқты біздің өңірде де тұрақты негізде жыл бойы «Мектепке жол» қайырымдылық акциясы жұмыс істеп келеді. Акцияның басты мақсаты-жетім балаларға, ата-анасының қамқорлығынсыз қалған балаларға, аз қамтылған, көп балалы және тұрмысы төмен отбасылардан шыққан балаларға әлеуметтік қолдау көрсету. Осы акция аясында Қызылорда облысының мемлекеттік сәулет-құрылыс бақылауы басқармасы ұжымы өз тарапынан әлеуметтік жағынан аз қамтылған 1 отбасыға, көп балалы 1 отбасыға белгілі бір көлемде қаржы жинап көмек көрсетіп және бүлдіршіндерге алда келе жатқан жаңа оқу жылында сәттілік тіледі. Осы бағыттағы жұмыстар алдағы уақытта да жалғасын табатын болады.