Марапаттау шарасы өткізілді

Құрылыс саласының кәсіби мерекесі – Құрылысшылар күніне орай Қызылорда облысының мемлекеттік сәулет-құрылыс бақылауы басқармасында мерекелік құттықтау және марапаттау шарасы өтті.

Шара барысында басқарма басшысы Қалиев Ғанижан Піртазаұлы құрылыс саласының ардагерлерін, мердігер ұйымдардың басшыларын, техникалық және авторлық қадағалау мамандарын кәсіби мерекелерімен құттықтап, өңірдің дамуына елеулі үлес қосып жүрген бірқатар сала мамандарына облыс әкімінің Алғыс хаттарын табыстады.

Жиын барысында құрылыс сапасы мен қауіпсіздігін қамтамасыз етудегі жауапкершілік пен сала мамандарының еңбегі ерекше атап өтілді.