Жаңа құрылыс кодексі талқыланды

Қазақстан Республикасының жаңа Құрылыс кодексінің негізгі ережелері мен оны іске асыру тетіктерін талқылауға арналған мәжіліс өтті.

Жиынға Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитетінің өкілдері, Қазақстанның барлық өңірлеріндегі мемлекеттік сәулет-құрылыс бақылауы басқармаларының басшылары мен мамандары қатысты.

Мәжіліс барысында жаңа Құрылыс кодексінде көзделген негізгі өзгерістер, құрылыс саласындағы мемлекеттік бақылауды жетілдіру, заңнаманы бірізді қолдану және алдағы міндеттер кеңінен талқыланды.