Арнаулы комиссия әлеуметтік кәсіпкерлікті дамыту мәселелерін қарады

Өңірде әлеуметтік кәсіпкерлікті дамыту және қолдау мақсатында арнаулы комиссияның отырысы өтті.

Кәсіпкерлік кодекстің 79-3-бабына сәйкес, 2022 жылдан бері ерекше қажеттілігі бар жандарды жұмыспен қамтып, әлеуметтік мәселелерді шешуге үлес қосып жүрген кәсіпкерлерге «әлеуметтік кәсіпкер» мәртебесі беріліп келеді.

Комиссия әлеуметтік кәсіпкерлер тізілімін 4 санат бойынша тоқсан сайын жаңартып отырады:

1-санат – әлеуметтік осал топтағы азаматтарды жұмыспен қамту

2-санат – әлеуметтік осал топтағы азаматтармен өндірілген тауарлар мен қызметтерді өткізуге жәрдемдесу

3 және 4-санаттар – әлеуметтік осал топтағы азаматтарға арналған өнім шығару немесе қызмет көрсету

Отырыста:

комиссия төрағасы сайланды, орынбасары мен хатшысы тағайындалды

2025 жылдың қорытындысы бойынша тізілімді өзектендіру мәселесі қаралды

өңірде әлеуметтік кәсіпкерлікті дамытудың өзекті бағыттары талқыланды

Әлеуметтік жауапкершілігі жоғары кәсіпкерлерді қолдау жұмыстары алдағы уақытта да жалғасады.