Қармақшы ауданында мәслихаттың VII шақырылымының жаңа құрамының алғашқы сессиясы өтті

Қармақшы ауданында мәслихаттың VII шақырылымының жаңа құрамының алғашқы сессиясы өтті
Аудан әкімінің қатысуымен Қармақшы аудандық мәслихатының VII шақырылымының алғашқы сессиясы өтті.
Сессияның күн тәртібіндегі мәселелерге кезек берілмес бұрын аудандық сайлау комиссиясының төрағасы Құлдүйсенов Әбдірахман 10 қаңтарда өткен саяси науқан қорытындысымен депутат болған 13 халық қалаулысына куәліктер мен төсбелгілерін табыстады.
Жиында сөз алған аудан басшысы ауданымыздың әлеуметтік – экономикалық дамуында мәслихат жұмысының ерекше орын алатынын атап айтып өтті. Бүгінгі Өздеріңізге мандаттық белгілеріңіз табысталып отыр, осы ретте игілікті істердің бастауындағы қызметтеріңізге сәттілік тілеймін! Бүгін Сіздер заңдарымыздың қоғамда қызмет етуіне бұқара халықпен тығыз байланыс жасап, халықтың үнін жергілікті атқарушы органдарға жеткізуде белсенді жұмыс атқарып, мемлекеттік бағдарламаларды жүзеге асыруда, ауданымызды дамытуда маңызды бастамаларды көтеруде ерекше белсенділік көрсетеді деген сенімдемін,-деді аудан әкімі Мұса Қалдарбеков.
Алғашқы сессияда алдымен аудандық мәслихат хатшысын сайлауды халық қалаулылары ортаға салды.
Осы ретте аудандық мәслихат хатшысы лауазымына осыған дейін Қармақшы ауданы әкімінің орынбасары қызметін абыроймен атқарған Қошалақов Әділ Үсенұлының кандидатурасы ұсынылып, халық қалаулылары тарапынан бір ауыздан қолдау тауып, күн тәртібіндегі мәселелерге кезек берілді.
Өз кезегінде мәслихат хатшысы Әділ Үсенұлы артылған сенімге сызат түсірмеуге қызмет атқаратынын жеткізіп, бір ауыздан қолдаған әріптестеріне алғысын білдірді.
Мұнан кейін аудандық мәслихат депутаты бірінші сессияның төрағасын сайлап, күн тәртібіндегі мәселелерге кезек берілді.
Ауданымызда сайлау қорытындылары бойынша екі партия өкілдері мәслихатта мандат иеленді. Атап айтқанда оның 11 мандатын «Nur Otan» партиясы, 2 мандатын «Ауыл» партиясы иеленді.
Сессияны қорытындылаған аудан әкімі халық қалаулыларын құттықтап, қызмет барысында тәжірибелеріңізді ел игілігіне жұмсап, алдағы уақытта да әлі талай игілікті істердің куәсі болатынымызға сенімдеміз. Біздің бүгінгі мақсаттарымыз бен міндетіміз тұрғындарымыздың өмірінің сапасы мен тұрмыстық деңгейін көтеруге бағытталған,- деді Мұса Оспанұлы.