ҚЫЗЫЛОРДА ОБЛЫСЫНДА ЭКСЖ-ҒА ҚАНДАЙ КӘСІПОРЫНДАР ҚАТЫСАДЫ

29 тамызда Қызылордада «Энергетикалық және коммуналдық секторларды жаңғырту» ұлттық жобасын іске асыруға арналған көшпелі семинар өтті. Іс-шараға әкімдіктердің, салалық компаниялардың, банктер мен БАҚ өкілдері қатысты.

Ұлттық жобаның мақсаты - коммуналдық қызметтердің сенімділігін арттыру және экономиканың тұрақты дамуы..Семинар аясында өңірдегі үш негізгі кәсіпорындардың жаңғырту жоспарлары ұсынылды:

1.Электрмен жабдықтау

«Қызылорда электр тарату тораптары компаниясы» АҚ: 63,9%-ға тозған электр желілерін ауқымды жаңғырту мен АСКУЭ енгізу жоспарланған. 2025 жылы тозу 2,5%-ға, 2026 жылы - 5%-ға (44,7 млрд.теңге қаржыландырумен) төмендейді деп күтілуде.

2.Жылумен жабдықтау

«Қызылордажылуэлектрорталығы» МКК: 2025 жылы 7,6 км жылу трассасын жаңарту және жабдықтарды күрделі жөндеу жоспарлануда (тозуды 2,4%-ға төмендету). 2026 жылы-15 км желіні қайта жаңарту (13,3 млрд теңге, тозуды 2% -ға төмендету).

3.Сумен жабдықтау және кәріз

«Қызылорда су жүйесі» МКК: 2025 жылы 6 км су құбырларын қайта жаңарту, 3 ұңғыманы бұрғылау, кәріз желілерін жөндеу жоспарланған. 2026 жылы - СКАДА жүйесін енгізу және 22 км желіні 4,9 млрд теңгеге қайта жаңарту (тозуды 4%-ға дейін төмендету).

Сондай-ақ, семинарға қатысушылар 2,45 млрд.теңге сомасына 1,43 км магистральдық жылу желілерін қайта жаңарту жұмыстарымен танысты - жоба осы учаскедегі тозуды толығымен жояды.

Табиғи монополияларды реттеу комитетінің өкілі А.С. Мәлік айтуынша, инфрақұрылымды жаңғырту - өңірдің орнықты дамуы үшін стратегиялық және қажетті қадам болып табылады. Ол ұлттық жобаны іске асыруға отандық бизнестің қатысуының маңыздылығын атап өтті.