Облыс бойынша 567 тарихи-мәдени мұра объектілері мемлекет қорғауына алынған. Оның ішінде: 31-ы республикалық, 256-сы жергілікті маңызы бар, 280-і тарихи-мәдени мұра объектілерінің алдын-ала тізіміне алынған.

Атап айтқанда, Арал ауданында – 62, Қазалы ауданында –106, Қармақшы ауданында –88, Жалағаш ауданында – 72, Сырдария ауданында – 60, Қызылорда қаласында – 85, Шиелі ауданында – 49, Жаңақорған ауданында – 45.

«Қазақстанның киелі жерлерінің географиясы» жобасы аясында жарық көрген «Қасиетті Қазақстан» энциклопедиялық жинағының ІІІ томына облыс бойынша жалпыұлттық 12, өңірлік 60 қасиетті нысан, 16 көрікті орын, барлығы 88 нысан енгізілді.

Республикалық және жергілікті маңызы бар 150 ескерткіш қамтылған Қызылорда облысының тарихи-мәдени мұра объектілерінің 3 D форматтағы интерактивті картасы енгізілген арнайы сайт (virtualmap.xyz) қолданысқа енгізілді және интернет қолдану мүмкіндігі бар жерлерде орналасқан 194 ескерткішке QR-коды бар тақтайшалар орнатылды. 

2025 жылы облыстық бюджет есебінен, облыс аумағындағы Жанкент, Сығанақ, Бәбіш мола қалашықтарына археологиялық қазба жұмыстары жүргізіледі.  

Бүгінгі күнге дейін 105 ескерткіштің қорғау аймақтары белгіленді, оның ішінде Қорқыт ата ескерткіш кешені, Сығанақ, Жанкент қалашықтары толығымен қоршалды.