БІЛІМ-ИННОВАЦИЯ ЛИЦЕЙІНІҢ ДИРЕКТОРЫ ТАҒАЙЫНДАЛДЫ

Қызылорда облысының білім басқармасының 2020 жылғы 20 қазандағы №146 бұйрығына сәйкес Сарсенбеков Абайбек Жанарбекович «№10 дарынды балаларға арналған облыстық «Білім-инновация» лицей-интернаты» коммуналдық мемлекеттік мекемесінің директоры қызметіне тағайындалды.

Сарсенбеков Абайбек Жанарбекович 1983 жылы 31 желтоқсанда Шығыс Қазақстан облысы, Абай ауданында туылған. 2002 жылы Шәкәрім атындағы Семей мемлекеттік университетін «қазақ тілі мен әдебиеті» мамандығы бойынша бітірген. 2018 жылы « Педагогика және психология» мамандығы бойынша магистр дәрежесін алған.

Еңбек жолын 2006-2010 жылдар аралығында Қостанай қазақ-түрік лицейінде қазақ тілі мен әдебиеті пәнінің мұғалімі қызметінен бастаған.

2010-2011 жылдары Нұрорда қазақ-түрік лицей-кешенінде қазақ тілі мен әдебиеті пәнінің мұғалімі;

2011-2014 жылдар аралығында №3 Кентау қазақ-түрік дарынды балаларға арналған лицей-интернатында директордың тәрбие ісі жөніндегі орынбасары;

2014-2015 жылдары Жаңаөзен қазақ-түрік лицей-интернатында директордың тәрбие ісі жөніндегі орынбасары;

2015-2016 жылдары Маңғыстау облыстық дарынды балаларға арналған қазақ-түрік мамандандырылған мектеп-лицей-интернатында директордың бейіндік оқыту жөніндегі орынбасары;

2016-2018 жылдар аралығында Жаңаөзен «Білім-инновация» лицей-интернатының директоры;

2018-2020 жылдар аралығында Маңғыстау облысы білім басқармасының «Білім-инновация» лицей-интернатының директоры;

2020 жылдың тамыз айынан бастап №10 дарынды балаларға арналған облыстық «Білім-инновация» лицей-интернатында директор міндетін атқарушы.

Білім басқармасының басшысы Ақзира Қасымова жаңа басшыны ұжымға таныстырып, қызметіне абырой тіледі.