Басқарма басшысының брифингі өтті

Облыстық білім басқармасының басшысы БАҚ өкілдеріне арнап брифинг өткізіп, саланың жетістіктері мен өзекті мәселелері, оқу жылының аяқталуы және балалардың жазғы демалысын өткізу бойынша атқарылып жатқан жұмыстар, алдағы жоспарлар мен міндеттер туралы атап өтті.

Брифинг барысында мектептердегі қорытынды бағалау, бітіруші сынып оқушыларының емтихан тапсыруы, Ұлттық бірыңғай тестілеудің ұйымдастырылуы және мектеп бітіру мерекесін ұйымдастыру барысы туралы ақпарат берілді.

Сонымен қатар, жазғы демалыс кезеңінде оқушылардың бос уақытын тиімді ұйымдастыру мәселесі күн тәртібіне қойылды.

Балаларға арналған лагерьлер, үйірмелер мен түрлі мәдени-спорттық іс-шаралар жоспары таныстырылды. Бұл – жас ұрпақтың жан-жақты дамуына бағытталған маңызды қадам.

Бала қауіпсіздігі – басты назарда. Басқарма тарапынан жазғы демалыс кезінде балалардың денсаулығы мен қауіпсіздігін қамтамасыз ету мақсатында барлық қажетті шаралар қабылдануда. Қауіпсіздік ережелері, жол-көлік оқиғаларының алдын алу және ата-аналармен бірлескен жұмыстар жөнінде кеңінен айтылды.

Брифинг соңында басқарма басшысы БАҚ өкілдерінің сұрақтарына жауап беріп, қоғаммен ашық әрі тиімді байланыс орнатудың маңыздылығына тоқталды.