А.ж. 22 шілдеде Қармақшы ауданының әкімі Нұртай Қайрат Ырзақұлұлы Байқоңыр қаласында және іргелес Ақай ауылы мен Төретам кентінде жұмыс сапарымен болды.

А.ж. 22 шілдеде Қармақшы ауданының әкімі Нұртай Қайрат Ырзақұлұлы Байқоңыр қаласында және іргелес Ақай ауылы мен Төретам кентінде жұмыс сапарымен болды.
Іс-сапар барысында аудан әкімі Төретам кентіндегі емханада және Ақай ауылындағы амбулаторияда болып, халықты Covid-19 вирусына қарсы екпе жұмыстарының жүргізілу жұмыстарын бақылап, емхана қызметкерлерімен кездесті.
Сонымен қатар, Төретам кенті және Ақай ауылындағы тұрғындармен жүздесіп, тұрғындардың арыз-өтініштері мен ұсыныс лебіздерін тыңдады.
Елімізде алғаш рет өткізіліп жатқан ауыл әкімдерін тiкелей сайлау бойынша, Ақай ауылдық округіндегі сайлау учаскелерінің дайындығын бақылады.
Аудан әкімінің іс-сапары Байқоңыр қаласында жалғасып, жаңадан салынғалы жатқан 5 көпқабатты тұрғын үй құрылысы жүргізілетін алаңды аралады.
Сондай-ақ, қала активі-жергілікті мемлекеттік органдардың, ұйымдар мен мекеме басшыларымен кездесіп, әрі қарай Байқоңыр қаласы әкімшілігі басшысының міндетін атқарушы Е.В. Морозовамен кездесті.