Бүгін аудан әкімінің орынбасары Б. Жұмағұловтың төрағалығымен 2022 жылғы 5 маусым күні өткен референдумға байланысты жиын өтті.

Алдымен Бектемір Ұлыбекұлы Республикалық референдум күні атқарылған жұмыстар легіне тоқталды.

- Өздеріңізге белгілі, ел жаңғыруының бастамасы ретінде 5 маусым күні Ата Заңымызға өзгерістер енгізу бойынша республикалық референдум өткізілді.Бұл мемлекeтіміздің болашағы үшін жасалған нақты қадам болды. Аудан халқы жоғары белсенділікпен атсалысып, өз таңдауын жасады. Мұның барлығы сіздердің атқарған жұмыстарыңыздың жемісі деп білемін" – деп лебізін білдіре отырып, референдумды өткізу мен ұйымдастыруға белсенді атсалысқан азаматтарды құрметтеп аудан әкімінің алғыс хаттарымен марапаттады.

Мұнан соң, жиынға қатысушыларды алдағы уақытта да бір жағадан – бас, бір жеңнен – қол шығарып, еліміз үшін әрдайым қызмет жасауға шақырды.