«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы №148 заңының 36 бабы мен «Қазақстан Республикасындағы сайлау туралы» Қазақстан Республикасының Конституциялық заңының 113-1 бабын басшылыққа алып, Аққұм ауылдық округі әкімінің өкілеттігі мерзімінен бұрын тоқтатылуына байланысты, аудандық сайлау комиссиясы
ҚАУЛЫ ЕТЕДІ:
- Аққұм ауылдық округі әкімінің сайлауы 2021 жылғы 1 тамызға (жексенбі) тағайындалсын.
- Әкімдікке кандидаттарды ұсыну сайлау күніне 30 күн қалғанда, шілде айының 2-сінде басталып, 17 шілдеде сағат 18:00-де аяқталатын болып, кандидаттарды тіркеу барлық қажетті құжаттар алынғаннан кейін басталып, сайлау күніне 10 күн қалғанда 22 шілдеде аяқталатын болып белгіленсін.
- 2021 жылғы 1 тамызға тағайындалған Аққұм ауылдық округі әкімінің сайлауын әзірлеу мен өткізу іс-шараларының Күнтізбелік жоспары бекітілсін.
- Осы қаулы Арал аудандық сайлау комиссиясының интернет-парақшасында және аудандық «Толқын» газетінде жариялансын.
Аудандық сайлау комиссиясының төрағасы Т. Дәрменов
Аудандық сайлау комиссиясының хатшысы Ш. Бисеналиева
1 шілде 2021ж.
№АСК-87