Ұландық офицер Парижде Алтын алды!

ҚР ІІМ Ұлттық ұланының спорт командасын даярлау орталығының әскери қызметшісі капитан Елдос Сметов Франция астанасында 60 келіге дейінгі салмақ дәрежесінде өтіп жатқан 2024 жылғы Жазғы Олимпиадада дзюдодан алтын медаль жеңіп алды.

Парижде жарыс басталғанға дейін Сметов екі Олимпиада медалін иеленген: күміс Рио-де-Жанейро-2016 және қола - Токио-2020.

Енді оның коллекциясына жетпей тұрған алтын медаль үшін Францияға аттанған еді.

Париждегі олимпиада турнирі Сметов үшін қиын сынақ болды. Нидерланды өкілі Торнике Цжакадоевке қарсы алғашқы жекпе-жекте негізгі уақыт техникалық әрекетсіз аяқталды және жекпе-жек алтын ұпайға дейін жалғасты. Нәтижесінде Нидерландыдан келген спортшыға берілген үшінші ескерту шешуші рөл атқарды.

Сметов одан кейін өзбек дзюдошысы Дилшот Халматов пен Қытай Тайбейінен Юнг-Вей Янды "васари" бағалауы бойынша жеңіп шықты. Испандық Франсиско Гарригоспен белдестірген жартылай финал да шиеленісті болды және техникалық әрекетсіз алтын ұпайға дейін жалғасты, онда Сметов қосымша уақыттың 23-ші секундында шешуші қабылдауды өткізді.

Финалда Франция өкілі Лука Мхейдзеге қарсы Сметов күш маневрін жасады және бұл оған көптен күткен Олимпиада алтынын әкелді.

- Естеріңізде болса, Рио-де-Жанейродағы алғашқы Олимпиадада мен финалға шыққан ем, бірақ жеңілдім және марапаттау рәсімінде қарсылас елімнің Әнұраны шырқалды. Сол кезде мен Олимпиада ойындарында жеңісімнің құрметіне Қазақстанның Әнұраны шырқалатын сәтті елестетіп көргенмін, бүгін сол арман орындалды. Ішкі істер министрі полиция генерал-лейтенанты Ержан Сәденовке және Ұлттық ұланның Бас қолбасшысы генерал-лейтенант Еркін Ботақановқа еліміздің атынан Олимпиадаға қатысуға мүмкіндік бергені үшін алғысымды білдіргім келеді, - деді Елдос Сметов.

 

ҚР ІІМ Ұлттық ұланының баспасөз қызметі