Онлайн бюджеттік мониторинг» модулін қолданудың кейбір мәселелері туралы

Ағымдағы жылдың 3 сәуірінде Ішкі мемлекеттік аудит комитеті төрағасының орынбасары Мұрат Оразбай «Онлайн бюджеттік мониторинг» модулін қолдану және оның даму перспективалары мәселесі бойынша аумақтық Департаменттердің басшы құрамының қатысуымен жұмыс кеңесін өткізді.

Кеңес барысында 2025 жылдың 1 тоқсанындағы Модульдің ағымдағы нәтижелері қаралып, пайдаланылатын цифрлық құралды дамыту перспективалары талқыланды, олардың қатарына қызметкерлердің карт-шоттарына артық аударылған қаражаттың төленгені туралы түбіртектерді банктік мобильді қосымшалар арқылы қашықтан төлеу тетігін қайта тексеру функциясын енгізу және жүйе ішінде аналитикалық есеп беру ақпаратын жасау үшін модульде аналитикалық конструкторды әзірлеу жатады.

Сондай-ақ, аумақтық департаменттердің назарына модуль шеңберінде хабарламаны автоматты түрде қалыптастыру және жіберу бойынша функционалды енгізу және сәтті тестілеу нәтижелері жеткізілді. Енді бұл жүйемен жұмыс істеу кезінде жеделдікті арттыруға, сондай-ақ үлкен деректерді өңдеу кезінде еңбек шығындарын азайтуға мүмкіндік береді.

Кеңесті қорытындылай келе, Мұрат Оразбай модульді пайдаланудың тиімділігін арттыру үшін шаралар кешенін қабылдауға тапсырма берді, оның ішінде мониторинг объектілерінің әкімшілерімен өзара іс-қимылдың тиісті деңгейін қамтамасыз етуді, тәуекелдік төлемдерге бірнеше рет жол беретін объектілерге қатысты директивалық шаралар қабылдауды, сондай-ақ қабылданатын алдын алу құрамдас бөлігін түсіндіру мақсатында облыстық әкімдіктер басқармаларының қатысуымен кеңейтілген кеңес өткізу қажеттілігінің ерекше маңыздылығы атап өтілді.