Шығыс Қазақстандық әріптестеріміз тікелей эфирде «Antikor.Live» жобасына қатысты
29 қазанда Шығыс Қазақстан облысы бойынша Ішкі мемлекеттік аудит департаменті басшысының орынбасары Олжас Нукаев «Antikor.Live» жобасына қатысты.
Тікелей эфир барысында О.Нукаев Департамент қызметінің негізгі көрсеткіштеріне тоқталды:
« Біз 9 айда 19,1 млрд. теңгені қамти отырып, 134 аудиторлық тексеру жүргіздік, нәтижесінде 17,9 млрд. теңгеге заңнама бұзушылықтары анықталды, соның ішінде мемлекетке келтірілген залал 5,1 млрд. теңге, сондай-ақ 4,3 млрд. теңге немесе 84,3 % бюджет кірісіне өтелді және қалпына келтірілді.
Аудиторлық тексеру қорытындысы бойынша 40,3 млн. теңгеге айыппұл салумен, 460 лауазымды тұлға әкімшілік жауапкершілікке, 87 лауазымды тұлға тәртіптік жауапкершілікке тартылды».
Сондай-ақ, сыбайлас жемқорлыққа қарсы саясатты іске асыру бойынша жүргізіліп жатқан жұмыстар туралы кеңінен айтып өтті.
«Департаментте аудит объектілерінде мемлекеттік аудитордың жұмысына үш деңгейлі бақылау жұмыс істейді, күн сайын – бөлім басшысымен, апта сайын – жетекшілік ететін орынбасармен және ай сайын – департамент басшысымен.
Азаматтар 26-43-91 сенім телефонына хабарласа алады. Азаматтарды күн сайын қабылдау жүргізіледі, басшымен сәрсенбі күні сағат 16:00-ден 17:00-ге дейін, басшының екі орынбасарларымен дүйсенбі, сейсенбі, бейсенбі және жұма күндері сағат 16:00-ден 17:00-ге дейін».
Бұдан басқа, алдағы 2021 жылға аудиторлық іс-шараларды жоспарлау туралы айтып берді.
«Мемлекеттік аудит объектілерінің тізбесін қалыптастыру Тәуекелдерді басқарудың интеграцияланған ақпараттық жүйесінің тәуекелдерін бағалау негізінде іріктеу арқылы жүзеге асырылады.
Бағалау әрбір критерий бойынша мәндер жиынтығы негізінде есептелген қорытынды баллды және тәуекел деңгейін айқындауды білдіреді.
Нәтижесінде әрбір объектіге тәуекелдің жоғары, орташа немесе төмен деңгейі беріледі.
Мәселен, Шығыс Қазақстан облысы бойынша алдағы 2021 жылға Жүйемен 1,5 мыңнан астам объект бағаланатын болады»
О. Нукаев өз сөзінде мемлекеттік аудит объектілерінің тиісті жылға арналған тізбесін қалыптастыру объектілерді іріктеу кезінде тәуекелдерді басқару жүйесі автоматтандырылғандықтан, жемқорлықтың алдын-алатын кешенділік және объективтілік қамтамасыз етілгендігін атап өтті.
Жобаның толық нұсқасын мына сілтеме арқылы өтіп, көруге болады: https://www.facebook.com/anticorruptionvko/videos/715312806003549/?vh=e&extid=0&d=n