Дене шынықтыру және спорт саласындағы жалақыны төлеу кезінде анықталған тәуекелдер туралы семинар

Солтүстік Қазақстан облысы бойынша ішкі мемлекеттік аудит департаменті 2026 жылғы 6 ақпанда дене шынықтыру және спорт ұйымдарының өкілдері арасында дене шынықтыру және спорт саласындағы жалақы бойынша төлемдердің онлайн бюджеттік мониторингін қолдану тақырыбында семинар өткізді.

Төлемдердің онлайн бюджеттік мониторингі тұрақты негізде жүзеге асырылады. Мониторинг нәтижелері жеке тұлғалардың шоттарына еңбекақы төлеу сылтауымен (жалақы, сыйлықақылар, демалыс, еңбекке уақытша жарамсыздық бойынша жәрдемақылар және өзге де төлемдер) артық ақша аудару фактілерінің болуын көрсетеді.

Мәселен, 2025 жылы жалпы сомасы 1 688,4 млн теңгеге 6 309 жағдай бойынша 419 әрекет ету хаты жіберілді, оның ішінде тәуекелдер 23,0 млн теңгеге расталды. Оның ішінде мәдениет және спорт саласында 613,0 млн теңге сомасына 2 645 тәуекелдік төлем анықталды, бұл ретте расталған тәуекелдер 1,98 млн теңгені құрады.

Негізсіз төлемнің барлық сомалары бюджетке қайтарылды.

Онлайн бюджеттік мониторингті қолдану жалақы түріндегі бюджет қаражатын негізсіз аударумен байланысты ықтимал бұзушылықтарды азайтуға мүмкіндік береді.