Солтүстік Қазақстан облысының полиция департаментінде білім беру ұйымдарында балалардың қауіпсіздігін қамтамасыз ету мәселелеріне арналған кеңес өтті. Талқылаудың негізгі тақырыптарының бірі өңір мектептеріндегі жосықсыз күзет қызметтерін жеткізушілердің қызметі болды.
Кездесуге Ішкі мемлекеттік аудит департаментінің өкілдері, білім беру саласының қызметкерлері, сондай-ақ жеке күзет кәсіпорындарының басшылары қатысты. Білім беру ұйымдарында күзет қызметтерін сатып алу тәртібіндегі жаңалықтарға ерекше назар аударылды. Оларды Департамент басшысының орынбасары Т. Ж. Омаров түсіндірді. Өткен жылы Қазақстан Республикасы Білім Министрлігінің бұйрығымен бекітілген өзгерістер баға ұсыныстарын сұрату емес, ашық конкурс тәсілімен күзет қызметтерін мемлекеттік сатып алуды жүргізу мүмкіндігін көздейді.
Бұл тетік мектептерге, колледждерге және балабақшаларға жеткізушілерге қойылатын біліктілік талаптарын белгілеуге және жосықсыз компанияларды, оның ішінде басқа өңірлерде орналасқан және СҚО аумағында материалдық-техникалық базасы жоқ компанияларды қатысудан алып тастауға мүмкіндік береді.