«Электрондық ішкі мемлекеттік аудит» модулін қолданудың кейбір мәселелері туралы

Комитет мемлекеттік аудиттің цифрлық құралдарын дамыту бойынша жұмысты жалғастыруда.

Басты бағыттардың бірі – «Электрондық ішкі мемлекеттік аудит» (бұдан әрі – ЭІМА) модулін пайдалану болып табылады, ол орталық аппаратта да, аумақтық департаменттерде де сәтті қолданылып келеді.

ЭІМА модулін жаңғырту шеңберінде «Электрондық қаржы орталығы» АҚ мамандарының қатысуымен техникалық оқу өткізілді.

Іс-шара барысында жүйенің жаңартылған функционалдық мүмкіндіктері, өзекті мәселелер мен модульмен жұмыс істеудің практикалық жағдайлары талқыланды.

Оқыту қызметкерлерге біліктілігін арттыруға және ЭІМА-ны күнделікті тәжірибеде неғұрлым тиімді пайдалануға мүмкіндік берді.

Техникалық оқудың қорытындысы бойынша Комитеттің Тәуекелдер басқармасы қызметкерлері электрондық форматтағы тексерулер үлесін арттыру ішкі мемлекеттік аудиттің басым бағыттарының бірі екенін атап өтті.