Қостанай облысында Әдеп жөніндегі кеңес отырысы

Қостанай облысы бойынша Ішкі мемлекеттік аудит департаментінің басшысы Бекет Құлбаев Мемлекеттік қызмет істері агенттігінің бұйрығымен Әдеп жөніндегі кеңес құрамына енгізілді. Ол Кеңес отырысына қатысып, күн тәртібінде қаралған өзекті мәселелерді талқылады.

Отырыс барысында Кеңес мемлекеттік қызметшілерге тәртіптік жаза қолдану кезінде заңнама талаптарын қатаң сақтау қажеттігін атап өтті. Қабылданған шешім орындау үшін тиісті мемлекеттік органдардың басшыларына жолданды.

Кеңес жұмысының негізгі мақсаты – қызметтік әдеп нормаларының сақталуын қамтамасыз ету, азаматтардың мемлекеттік қызметке деген сенімін нығайту және тәртіптік жауапкершілік мәселелеріне бірыңғай көзқарас қалыптастыру.