Қазақстан мен Армения конституциялық бақылау саласындағы әріптестікті кеңейтуде

Телеграмм КС - https://t.me/consot_kz

 

«Конституция және мемлекеттілік: құқық және болашақ диалогы» халықаралық ғылыми-практикалық конференциясы аясында Қазақстан Республикасы Конституциялық Сотының Төрағасы Эльвира Азимова Армения Республикасы Конституциялық Сотының Төрағасы Арман Диланянмен кездесті.

Тараптар өзара қызығушылық тудыратын екіжақты ынтымақтастықтың өзекті мәселелерін талқылады.

Азимова өткен кезеңде конституциялық бақылау органдары арасында тығыз байланыстар орнатылғанын, олар екіжақты және Еуразиялық конституциялық бақылау органдары қауымдастығының шеңберінде көпжақты форматта табысты дамып келе жатқанын атап өтті.

Өз кезегінде Диланян мырза сот дипломатиясының және конституциялық сот төрелігі саласында тәжірибе алмасудың маңыздылығын атап өтті.

Кездесу қорытындысы бойынша тараптар Қазақстан Республикасының Конституциялық Соты мен Армения Республикасының Конституциялық Соты арасындағы өзара түсіністік туралы меморандумға қол қойды. Оның мақсаты тиімді конституциялық бақылауға, құқықты зерделеуге және елдер арасындағы достық қатынастарды нығайтуға ықпал ететін құқықтық ынтымақтастықты тереңдету болып табылады.