Венециандық комиссияның 143-ші сессиясы: конституциялық құқық саласындағы негізгі сын-қатерлер талқыланды

Телеграмм КС - https://t.me/consot_kz  

 

2025 жылдың 13-14 маусымында Құқық арқылы демократия үшін Еуропалық комиссияның (Венециандық комиссия) 143-ші пленарлық сессиясы онлайн форматта өтті, ол Еуропа кеңесінің жанында жұмыс істейді. Қатысушылар конституциялық рәсімдерге, сот органдарының реформаларына және медиа-орта саласындағы реттеуге қатысты бірқатар өткір құқықтық мәселелерді талқылады.

Сессияда бірқатар елдердегі заңнамалық бастамалар бойынша қорытындылар мақұлданды, соның ішінде:

• Гаитиде референдум өткізу туралы Жарлықтың жобасы;
• Черногория Конституциялық соты судьяларының жасына байланысты өкілеттіктерін мерзімінен бұрын тоқтату туралы нормалар;
• Молдовадағы бұқаралық ақпарат құралдары, жарнама және аудиовизуалды қызметтер туралы заңнамаға қатысты реформалардың ауқымды блогы;
• Солтүстік Македония Сот Кеңесі туралы заң жобасы;
• Франция Конституциясының үкіметке деген сенімге қатысты 49.3-бабын талдау;
• Әділет министрінің сот және прокурорлық істер материалдарына қол жеткізуін реттейтін Венгриядағы XVII 2024 жылғы Заңның ережелері;
• Моңғолиядағы Конституциялық сот және оның рәсімдері туралы жаңа заң жобалары;
• Чили Конституциясына түзетулер арқылы сот жүйесін түзету бойынша ұсыныстар.

Отырыс Венециандық комиссиясының қоғамдық құқық саласындағы теңдестірілген және демократиялық тұрғыдан тексерілген шешімдерді әзірлеуге ықпал ететін халықаралық сараптамалық платформа ретіндегі шешуші рөлін растады. Талқыланған бастамалар негізгі аспектілерге қатысты: биліктің бөлінуі, соттың тәуелсіздігі, есеп беру тетіктері және азаматтардың құқықтарын қорғау.

Қазақстан Венециандық комиссиясының қызметіне 2012 жылдан бастап қатысады.

143-сессияда қаралған қорытындылардың толық мәтіндері ресми сайтта қолжетімді: https://www.venice.coe.int/webforms/documents/?match=CDL-AD(2025)&cdl=143