Нұрмұханов Бақыт Маратұлы 1979 жылы 13 мамырда Шығыс Қазақстан облысы, Күршім ауданы, Қалжыр ауылында дүниеге келген.

Шығыс Қазақстан мемлекеттік университетін «Заңгер» мамандығы бойынша 2000 жылы  бітірген. Заң ғылымдарының кандидаты.

Сол жылы Шығыс Қазақстан мемлекеттік университетінің заң факультетінің Қылмыстық құқық және қылмыстық іс жүргізу кафедрасының оқытушысы болып еңбек жолын бастады.

2003 жылдан бастап Қазақстан Республикасы Конституциялық Кеңесінің Аппаратында жұмыс істейді: Заң бөлімінің консультанты; Құқықтық қамтамасыз ету бөлімінің бас сарапшысы; Құқықтық сараптама бөлімінің бас сарапшысы, бас консультанты, Талдау жұмысы секторының меңгерушісі (2003-2006); Төрағаның кеңесшісі (2006-2011); Құқықтық сараптама бөлімінің бастығы (2011-2017).

2017 жылғы 1 тамызда Конституциялық Кеңес Аппаратының басшысы болып тағайындалды.

Қазақстан Республикасы Конституциялық Сотының судьясы болып тағайындалды (01.01.2023 ж. бастап).

2008 жылдан бастап Еуропа Кеңесінің Құқық арқылы демократия үшін Еуропалық комиссиясының (Венеция комиссиясы) байланыс қызметкері.

Қазақстан Республикасының мемлекеттік және басқа да наградаларымен «Құрмет» ордені, «Ерен еңбегі үшін» медалі (2012), «Қазақстан Конституциясына 10 жыл», «Қазақстан Халық Ассамблеясы 20 жыл», «Қазақстан Республикасының Конституциясына 20 жыл», «Қазақстан Республикасының Тәуелсіздігіне 25 жыл», «Қазақстан Республикасының прокуратурасына 25 жыл», «Үздік мемлекеттік қызметші», «Қазақстан Конституциясына 25 жыл», «Қазақстанның құрметті заңгері» мерейтойлық медальдарымен марапатталған.