Семейде мамандарды мектептегі дұрыс тамақтануды ұйымдастыруға оқытты

Бүгін Абай, Шығыс Қазақстан облыстарының Санитариялық-эпидемиологиялық бақылау департаменттерінің, Денсаулық сақтау басқармаларының, Білім басқармаларының және олардың аудандық бөлімшелерінің жауапты мамандарына арналып оқыту семинары өткізілді.

Мамандар стандарттың негізгі өзгерістерін, тамақтану сапасын бақылау жүйесін, сондай-ақ теңдестірілген мектеп мәзірін құру принциптерін талқылады. Мектептегі ас блоктарының қызметіне және тамақтану қызметтерін жеткізушілермен жұмыс кезінде стандартты енгізудің практикалық мәселелеріне ерекше назар аударылды.

Іс-шара соңында 78 қатысушыға оқудан өткендігі туралы сертификаттар табысталды.