«2024-2025 жылдардағы эпидемиялық маусымға тұмау, жіті респираторлық вирустық инфекциялар (ЖРВИ) және коронавирустық инфекция (COVID-19) бойынша санитариялық-профилактикалық, санитариялық-эпидемияға қарсы іс-шаралар өткізу туралы» Қазақстан Республикасының Бас мемлекеттік санитариялық дәрігері міндетін атқарушының 2024 жылғы 16 тамыздағы № 7 қаулысына қол қойылды

Қаулы ЖРВИ, тұмау және COVID-19 бойынша эпидемиялық маусым кезеңінде профилактикалық және эпидемияға қарсы іс-шараларды өткізуді көздейді, оның ішінде:

- ағымдағы жылғы 15 қыркүйектен бастап тұмауға қарсы вакцинация жүргізу;

         - медициналық ұйымдарда кіре берісте «сүзгілердің» жұмысын қамтамасыз ету, маскаларды пайдалану, антисептиктердің болуы;

- ЖРВИ, тұмау және COVID-19 көріністерімен жүкті әйелдер мен 1 жасқа дейінгі балаларды үйге шақыруға бірінші кезекте қызмет көрсету;

- мектепке дейінгі балалар ұйымдарында күнделікті таңертеңгі сүзгіні жүргізу, ЖРВИ, тұмау COVID-19  белгілері бар балаларды шеттету;

- орта білім беру ұйымдарында:

1. ЖРВИ, тұмау және COVID-19 ауруын тіркеген кезде бір сыныпта сынып санынан 20-дан 30%-ға дейін бір инкубациялық кезең ішінде жалпы білім беретін ұйымдарда оқытудың кабинеттік жүйесін жою, күнтізбелік он күн ішінде сыныптарға жаңа балаларды қабылдауға тыйым салу ұсынылады.
2. ЖРВИ, тұмау және COVID-19 науқастары эпидемиялық процеске тартылған жағдайда, бір инкубациялық кезең ішінде сынып санынан 30% және одан көп сырқаттанғандардың жалпы саны оқушыларды онлайн оқытуға ауыстыруды жүзеге асырады.

Осы қаулының толық мәтінімен Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің сайтында танысуға болады https://www.gov.kz/memleket/entities/ksek/documents/details/708046?lang=kk .