Астанада Қазақстандағы су мен санитарияға тең қолжетімділікті бағалау нәтижелері қарастырылуда

2026 жылғы 2–3 маусым күндері Астанада БҰҰ ЕЭК пен ДДҰ Еуропалық өңірлік бюросының Су және денсаулық мәселелері жөніндегі хаттамасын іске асыру бойынша ұлттық отырыс өтуде. Іс-шараға мемлекеттік органдардың, халықаралық ұйымдардың, сарапшылар қауымдастығының өкілдері, сондай-ақ сумен жабдықтау, санитария және қоғамдық денсаулық сақтау салаларының мамандары қатысуда.

Іс-шараны аша отырып, Комитет төрағасының орынбасары Нұрқан Сәдуақасов халықты қауіпсіз ауыз сумен, санитария және гигиена қызметтерімен қамтамасыз ету үшін салааралық өзара іс-қимылдың маңыздылығын атап өтті.

Отырыс барысында халықаралық Score-card әдіснамасы негізінде жүргізілген Қазақстандағы су мен санитарияға тең қолжетімділікті өзін-өзі бағалаудың алдын ала нәтижелері таныстырылды. Бағалау мемлекеттік басқару, саланы қаржыландыру, аумақтық теңсіздікті қысқарту, халықтың осал топтарының қажеттіліктерін қамтамасыз ету, сондай-ақ сумен жабдықтау, санитария және гигиена қызметтерінің қолжетімділігі мәселелерін қамтыды.

Қатысушылар Қазақстанның сумен жабдықтау және санитария жүйелерін дамытудағы жетістіктерін, сондай-ақ халықаралық міндеттемелер мен БҰҰ-ның Тұрақты даму мақсаттарына сәйкес мемлекеттік саясатты жетілдіру жөніндегі алдағы қадамдарды талқылады.

Хаттама бойынша ұлттық мақсатты көрсеткіштерді қайта қарау мәселесіне ерекше назар аударылды. Өзін-өзі бағалау нәтижелері халықтың қауіпсіз ауыз суға, санитария мен гигиенаға тұрақты әрі тең қолжетімділігін қамтамасыз етуге бағытталған одан арғы шаралардың негізі болады.

Жүргізілген өзін-өзі бағалау Қазақстанда Хаттаманы іске асырудағы маңызды кезең болды және елдің халық денсаулығын қорғау, сумен байланысты аурулардың алдын алу және негізгі қызметтерге тең қолжетімділікті қамтамасыз ету қағидаттарына бейілділігін растады.