Ертіс бассейндік инспекциясы су пайдаланушылармен есептілік мәселелері бойынша кездесу өткізді

Су ресурстарын қорғау және пайдалануды реттеу жөніндегі Ертіс бассейндік су инспекциянда су пайдаланушылармен суды бастапқы есепке алу және № 2-ТП (су шаруашылығы) есептілігін ұсыну мерзімдерін сақтау мәселелері бойынша кездесу өткізілді.

Кездесу барысында есептілікті ұсыну тәртібі мен мерзімдеріне қойылатын талаптар түсіндіріліп, сондай-ақ оларды белгіленген мерзімде тапсырмағаны үшін Қазақстан Республикасының заңнамасында көзделген жауапкершілік туралы еске салынды.