Жайық-Каспий бассейндік су инспекциясының мамандары "Silkway" жеке мектеп-лицейінің оқушыларымен әңгімелесті

Атырау қаласында Жайық-Каспий бассейндік су инспекциясының мамандары "Silkway" жеке мектеп-лицейінің оқушыларымен әңгімелесті. Кездесу барысында мамандар су ресурстарын ұтымды пайдалану, күнделікті өмірде суды үнемдеу қажеттілігі және қоршаған ортаға ұқыпты қараудың маңыздылығы туралы айтып берді.

Су объектілерінің ластануын болдырмау, табиғат қорғау заңнамасын сақтау және елдің су ресурстарын сақтаудағы әрбір азаматтың рөлі мәселелеріне ерекше назар аударылды. Инспекция өкілдері өз қызметінің негізгі бағыттарын, су пайдалануды бақылау және өңірдің экологиялық қауіпсіздігін қамтамасыз ету жөніндегі міндеттерді түсіндірді.

Кездесу соңында оқушылар өздерін қызықтырған сұрақтарын қойып, экологиялық бастамаларды талқылап, су ресурстарын сақтау мен ұтымды пайдалануға бағытталған іс-шараларға белсенді қатысуға дайын екендіктерін білдірді.