Шу-Талас бассейндік су инспекциясы инспекторларының жер қойнауын пайдаланушылармен және кәсіпкерлермен кездесуі

Шу-Талас бассейндік су инспекциясының мемлекеттік инспекторлары Шу ауданы әкімдігінің жер қатынастары бөлімімен бірлесе отырып, Шу ауданындағы Шатыркөл өзенінің жағасында орналасқан жер қойнауын пайдаланушылар мен кәсіпкерлермен кездесу өткізді.

Кездесу барысында Қазақстан Республикасының Су кодексінің 50 және 86-баптарының, сондай-ақ Жамбыл облысы әкімдігінің 2024 жылғы 30 желтоқсандағы №318 қаулысының талаптары түсіндірілді.

Атап айтқанда, жерүсті су объектілерінде, су қорғау аймақтары мен белдеулерінде шаруашылық қызметті жүзеге асыруға қойылатын талаптар, сондай-ақ су объектілерінің су қорғау аймақтары мен белдеулерінде шаруашылық және өзге де қызмет түрлерін уәкілетті органның су қорын қорғау және пайдалану саласындағы тиісті келісімі болған жағдайда ғана жүзеге асыруға жол берілетіні түсіндірілді.