Қарағанды облысы бойынша Тексеру комиссиясында салықтық әкімшілендірудің тиімділігіне, жергілікті бюджетке түсетін түсімдердің толықтығы мен уақтылығына, бюджетке түсетін түсімдерді өндіріп алуға, сондай-ақ жергілікті бюджеттен қате (артық) төленген сомаларды қайтарудың, есепке жатқызудың дұрыстығына мемлекеттік аудиттің нәтижелері бойынша дөңгелек үстел өтті

2022 жылғы 8 қыркүйекте Қарағанды облысы бойынша Тексеру комиссиясында «Салықтық әкімшілендірудің тиімділігіне, жергілікті бюджетке түсетін түсімдердің толықтығы мен уақтылығына, бюджетке түсетін түсімдерді өндіріп алуға, сондай-ақ жергілікті бюджеттен қате (артық) төленген соммаларды қайтарудың, есепке жатқызудың дұрыстығына мемлекеттік аудиттің нәтижелері» атты тақырыбымен дөңгелек үстел өтті.

Іс-шараға Тексеру комиссиясының өкілдері, Қарағанды облысы бойынша Мемлекеттік кірістер департаменті басқармасының басшысы, Әлихан Бөкейхан ауданы бойынша МКБ басшысының орынбасары, Қазыбек би атындағы аудан бойынша МКБ бөлімінің басшысы, сондай-ақ БАҚ өкілдері қатысты.

Дөңгелек үстел барысында Қарағанды облысы бойынша Тексеру комиссиясының мүшесі Таханов Аян, бас инспектор-мемлекеттік аудиторы Ибикенов Ермек салықтық әкімшілендірудің тиімділігіне, жергілікті бюджетке түсетін түсімдердің толықтығы мен уақтылығына, бюджетке түсетін түсімдерді өндіріп алуға, сондай-ақ жергілікті бюджеттен қате (артық) төленген соммаларды қайтарудың, есепке алудың дұрыстығына мемлекеттік аудит қорытындылары туралы баяндама жасады. Сондай-ақ, Қарағанды облысы бойынша МКД басқармасының басшысы Сатымбаев Еркебұланның және Қазыбек би атындағы ауданы бойынша МКБ бөлім басшысы Жангелдинова Айнұрдың мемлекеттік аудит нәтижелері бойынша қабылданған шаралар туралы баяндамалары тыңдалды.

Сонымен қатар, Қазақстан Республикасындағы салық заңнамасының нормаларын сақтау мәселелері талқыланды.

Қорытындылай келе, қатысушылар жергілікті бюджеттің кіріс бөлігін болжау, салық салудың өзекті мәселелері бойынша пікірлермен алмасты.