Асан Дарбаев «Argus Қазақстанның мұнай-газ нарығы және Орталық Азия 2022» 4-ші Халықаралық конференцияға қатысты

Бүгін, 2022 жылғы 30 маусымда Алматыда Қазақстандық Темір жол жүк тасымалдаушыларының қауымдастығы ұйымдастырған «Argus Қазақстанның мұнай-газ нарығы және Орталық Азия 2022» атты 4-ші Халықаралық конференция өтіп жатыр.

Негізгі жобалардың бірінде нарықтың негізгі ойыншылары, атап айтқанда көлік - логистикалық компаниялар, жүк жөнелтушілер, сондай-ақ Қазақстан мен ТМД-ның басқа да елдерінің мемлекеттік органдарының өкілдері жиналды.

Аталған іс-шараға ҚР ЭМ Табиғи монополияларды реттеу комитетінің атынан ведомство басшысы Асан Дарбаев қатысты.

Конференцияның мақсаты мемлекеттік билік органдарының, іскерлік қоғамдастықтардың және сараптамалық топтар өкілдерінің ЕАЭО, ЕО аумағындағы кәсіпкерлік қызметті жүзеге асыру мәселелері бойынша тікелей өзара қарым-қатынасын орнату болды.

Конференцияның өзі арнайы сессияларға бөлінді, онда Қазақстан мен шектес мемлекеттердің мұнай, мұнай өнімдері, теміржол тасымалы, контейнерлеу, сондай-ақ сұйытылған газ нарықтарының мәселелері талқыланды.

Мұндай конференцияны халықаралық деңгейде өткізу өзекті мәселелерді жария етуге, бизнес субъектілерінің мүдделерін қозғайтын аталған нарықтардағы проблемалық мәселелерді ашуға және оңтайлы шешімдерді әзірлеуге мүмкіндік берді.