ТМРК сыбайлас жемқорлық тәуекелдерін талдаудың алдын ала нәтижелерін ұсынады

Қазақстан Республикасы Ұлттық экономика министрлігінің Табиғи монополияларды реттеу комитеті 2026 жылғы 1-30 қыркүйек аралығында сыбайлас жемқорлық тәуекелдеріне ішкі талдау жүргізуде.

Талдау Комитеттің ұйымдастырушылық-басқарушылық қызметін, сондай-ақ әзірлеушісі Комитет болып табылатын нормативтік құқықтық актілерді қамтиды.

2026 жылғы 17-24 қыркүйек аралығында сыбайлас жемқорлық тәуекелдеріне жүргізілген ішкі талдаудың алдын ала нәтижелері бойынша жария талқылау өтеді.

Азаматтар мен мүдделі тұлғалар аталған бағыттар бойынша сыбайлас жемқорлық тәуекелдерін анықтау және жою жөніндегі ұсыныстарын 8 (7172) 74-26-74 телефоны арқылы немесе a.zholdybaeva@economy.gov.kz электрондық поштасына жолдай алады.