Сырым Шәріпханов: өңірде 750-ден астам датчик орнатылған, тағы мыңнан астамы жоспарлануда

Абай облысының тұрғындарымен кездесу барысында Төтенше жағдайлар министрі Сырым Шәріпханов жылыту маусымы алдында өрт қауіпсіздігі бойынша жүргізіліп жатқан профилактикалық жұмыстар туралы өңір тұрғындарын хабардар етті.

«Осы бағытта жоспарланған алдын алу нәтиже береді. Бірлескен рейдтер жүргізу кезінде халықтың әлеуметтік осал санаты анықталады. Жергілікті атқарушы органдар оларды есепке алады. Облыс бойынша осы санаттағы 7 мыңнан астам отбасы бар. Оларға көмір сатып алуға, пештерді, жылыту жүйелерін жөндеуге атаулы көмек көрсетіледі және біздің ұсынысымыз бойынша өрт датчиктері орнатылады. Мәселен, өңірде 750-ден астам датчик орнатылған. Алдағы жылыту кезеңінде тағы бір мыңнан астам адам орнатылады», - деп өңір тұрғындарымен кездесуде Сырым Шәріпханов атап өтті.

Биыл республика бойынша 30,5 мыңға жуық үй табиғи газ, көміртегі тотығы және түтін датчиктерімен жабдықталған. Олардың жұмысы Астана қаласында, Шығыс Қазақстан, Ақмола, Қызылорда облыстарында 27 адамның қаза болуына жол бермеді.

 

 

ҚР ТЖМ баспасөз қызметі